भारतीय बौद्ध महासभेच्या वतीने रक्तदान करुन महामानवाला अभिवादन !



बदलापूर : भारतरत्न डॉ.बाबासाहेब आंबेडकर यांच्या १३० व्या महापरिनिर्वाण दिनानिमित्त मंगळवारी (ता.१४)  रक्तदान करून बदलापूरकरांनी बाबासाहेबांना अभिवादन केले.
             भारतीय बौद्ध महासभा कात्रप शाखेच्या वतीने बदलापूर पूर्वेकडील कात्रप भागात असलेल्या डॉ.बाबासाहेब आंबेडकर भवन बुद्ध विहारात या रक्तदान शिबिराचे आयोजन करण्यात आले होते. कोरोना नियमांचे पालन करीत शिस्तबद्धपणे हे रक्तदान शिबीर पार पडले. या शिबिरासाठी घाटकोपर येथील समर्पण ब्लड बँक व अश्विनी हॉस्पिटलचे डॉ.जितेंद्र वड्डीकर यांच्या सहकार्य लाभले.यावेळी सुनील क्षीरसागर, उत्तम कांबळे, आर.एम मेढे, इंदुमती सुर्वे, भास्कर सपकाळे, सूर्यकांत कांबळे, रवींद्र पवार, वैभवी कांबळे,प्रमोद जावळे, नामदेव लाठे, किसन पहूरकर आदींसह भारतीय बौद्ध महासभेचे अनेक पदाधिकारी व कार्यकर्ते उपस्थित होते.  

रमेशवाडी येथील डॉ. बाबासाहेब आंबेडकर यांच्या पूर्णाकृती पुतळ्याला विद्युत रोषणाई करण्यात आली होती . बदलापूर (प) चे वरीष्ट पोलीस निरीक्षक दत्ता गावडे यांनी डॉ.बाबासाहेब आंबेडकर यांच्या पूर्णाकृती पुतळ्याला पुष्पमाला अर्पण केली .तसेच कोरोनाच्या पार्श्वभूमीवर नागरिकांनी गर्दी करू नये असे आवाहन केले . तर  डॉ. बाबासाहेब आंबेडकर उद्यानात पंचशिल ज्येष्ठ नागरिक संघाचे अध्यक्ष मनोहर भालेराव यांनी डॉ. आंबेडकर यांच्या प्रतिमेला पुष्पमाला अपर्ण केली  या वेळी अशोक गजरमल, रोकडे. आदी नी अभिवादन केले


बदलापूर नगरपालिकेत डॉ. आंबेडकर जयंती साजरी

कुळगाव बदलापूर नगरपालिका कार्यालयात कोरोनाविषयक नियमांचं पालन करुन डॉ. बाबासाहेब आंबेडकर यांची जयंती साधेपणाने साजरी करण्यात आली .मुख्याधिकारी दीपक पुजारी ,माजी नगराध्यक्ष वामन म्हात्रे , माजी नगरसेवक श्रीधर पाटील यांनी या वेळी अभिवादन केले

मोहनानंद येथे जयंती साजरी

शिवेसना शाखा मोहनानंद नगर मांजर्ली येथे डॉ.बाबासाहेब आंबेडकर यांची जयंती साजरी करण्यात आली . बौद्धाचार्य डॉ. नंदकुमार कांबळे यांनी सुत्रपठन करून अभिवादन केले यावेळी अॅड तुषार साटपे, दिनेश शिंदे , रमेश पिंगळे आदी नी अभिवादन केले.

Featured Post

मतदार यादीतील नावाशी आधार क्रमांक जोडणीसाठीठाणे जिल्ह्यात 1 ऑगस्टपासून विशेष मोहिम

मतदार यादीतील नावाशी आधार क्रमांक जोडणीसाठी ठाणे जिल्ह्यात 1 ऑगस्टपासून विशेष मोहिम - उपजिल्हा निवडणूक अधिकारी अर्चना कदम मतदार ...