मुकुंद खानोरे असे या तरुण व्यावसायिकाचे नाव आहे. मुकुंद खानोरे हे मूळचे बदलापूरला राहणारे असून कॉलेजमध्ये असल्यापासून त्यांनी शेअर मार्केटमध्ये गुंतवणूक सुरू केली.
पैसा मिळवणे तशी सोप्पी गोष्ट नाही, आणि ज्यांना मिळतो त्यांच्यासाठी ती अवघडही नाही. मात्र, ज्या क्षेत्रातून किंवा ज्या व्यापारात आपणास पैसा मिळतो, त्याबद्दल आपण नेहमीच कृतज्ञता व्यक्त करत असतो. कारण, आपलं पोट त्यावर असल्याचंही आपण ठणकावत सांगतो. म्हणूनच, कृतज्ञता व्यक्त करण्यासाठी मुकूंद यांनीही बंगल्याचे नाव 'शेअर मार्केटची कृपा' असे ठेवले आहे. बदलापुरातील या बंगल्याची सध्या चांगलीच चर्चा होत आहे. साधारणपणे बंगल्यावर आपण मुलाचे नाव, आई-वडिलांचे नाव, उद्योग व्यवसायाचे नाव, देवाचे नाव किंवा आपणास आवडेत ते नाव ठेवत असतो. मात्र, मुकूंद यांनी शेअर मार्केट हाच आपला मोठा व्यापार असल्याने बंगल्याचं नाव चक्क 'शेअर मार्केटची कृपा' असे ठेवले आहे.
